CMYK-kjeda er konkurs

– Selskapet begjærte seg sjølv konkurs. Grunnen ligg i at ein del av dei 41 butikkane har slitt med økonomien og påført kjeden tap.

– Samstundes har kjeden sete med langsiktige leigeavtaler som dei ikkje hadde økonomi til, fortel bubestyrar, advokat Arne Laastad til bt.no

Fekk meldinga tysdag kveld

Ein av butikkane som forsvinn i samband med konkursen er CMYK-butikken på Amfi Os.

– Det er sjølvsagt trist. Eg fekk melding i går kveld om at dei stengde dørene, fortel Silje Lygre, senterleiar på Amfi Os.

Ho ønskjer ikkje å kommentera omsetningstala for butikken på Os.

– Det overlet eg til bubestyrar. Det er ein del formalitetar som skal følgjast når dette skjer.

Om butikken seier ho;

– Dei representerte ei varegruppe og prisklasse som supplerte dei andre butikkane på senteret på ein god måte.

Interessentar har meldt seg

Lygre fortel at dei no jobbar med å finna nye leigetakarar til lokalet.

– Det er allereie interessentar som har meldt seg, så vi er i gang med å finna nye til å driva butikk i lokala.

– Vi er heldigvis eit attraktivt senter for næringsdrivande, avslutter Lygre.