CJ Marvin lagde stemning
VIDEO: Denne helga er det pianobar på Solsiden for første gong. Prøveprosjektet fekk ein god start og i kveld er det ny runde rundt flygelet.
Bildeserie:
Tore André Sagstad, som driv Bowling1, Iris Sportsbar og Solsiden har starta pianobar i Irisgården.
SJÅ VIDEO NEDST I ARTIKKELEN
– Eg var spent før start i kveld. Dette er eit prøveprosjekt med fem helger før jul, og viss dette er noko osingane vil ha så blir det meir, sa Tore André fredag kveld.
Først tapas - så tangentar
Han merka tidleg at det var ein viss respons, drygt halve resuaranten var oppbestilt av spisegjestar tre timar før pianisten CJ Marvin sette seg ved tangentane.
– Det blei full trøkk med tapas fram til musikken starta i 21.30-tida, og sidan har det gradvis blitt fylt opp vidare.
– Ein god start
Solsiden hadde rusta seg for storinnrykk, med tappetårn i den oppvarma uteplassen og godt med folk på jobb.
– Vi hadde ikkje peiling på kor mange som ville koma sidan dette ikkje er noko vi sel billettar til. Vi måtte førebu oss på å ta imot mykje folk og det gjer vi i kveld òg.
– Det var uansett kjekt med såpass mange folk, i ulika aldrar, og veldig god stemning - og CJ Marvin leverer som alltid!
VIDEO: Sjå stemningsraport på 90 sekund frå gårsdagens lansering av pianobar på Solsiden. (Foto: Kjetil Vasby Bruarøy)