Bulka laus konteinar

Onsdag ettermiddag kom det ein skakk-kjørt lastebil i land på Halhjem.

– Den hadde visst vore borti tunnelveggar på Tysnes. Den skal visst også ha vore borti noko på ferja, fortel Rune Hjelle frå Statens vegvesen.

Vegvesenet har hatt kontroll av tyngre kjøretøy i Os i dag og var utom Halhjem for å sjå på det skadde kjøretøyet.

– Årsaka skal ha vore at konteinaren ikkje var festal skikkeleg, og at kjøretøyet derfor blei litt breiare enn vanleg.

– Politiet var der også. Dei skal ha tatt beslag i førarkortet til mannen som kjørte lastebilen, men om det er Os-politiet eller dei på Tysnes som gjorde det er eg usikker på.

Politiet i Os var onsdag ettermiddag og kveld ikkje tilgjengeleg for kommentar.