Lokal | 29. nov. 2016
Brann i BIR-konteinar
Det brenn i ein konteinar på BIR sitt gjenvinningsanlegg.
Andris Hamretysdag 29. nov. 2016 16:18
Rett etter klokka 16 fekk politi og brannvesen melding om at det brann i ein konteinar på BIR sitt gjenvinningsanlegg i Kolskogen.
Klokka 16.10 meldte politiet at dei og brannvesenet var framme på staden.
«Brann i container med restavfall. Ingen spredningsfare, politi og brannvesen på staden», meldte politiet på twitter.
Klokka 16.15 meldte brannvesenet at dei hadde kontroll på brannen og at dei dreiv ettersløkking.
Brannen blei etter det Midtsiden kjenner til oppdaga som ein ulmebrann av ein skulle kasta boss i den aktuelle konteinaren.