Lokal | 01. des. 2013
Bråk på Osbrua
Mannen blei skubba så han låg flat på Osbrua. Med politiet som vitne.
Kjetil Vasby Bruarøysundag 01. des. 2013 12:47
I 2.30-tida natt til søndag var det bråk mellom minst to menn på brua mellom Irisgården og Os sentrum.
– Dei to gjekk midt i vegen så trafikken stoppa opp, fortel politibetjent Thomas Juulseth.
I bilkøen sto blant anna politipatruljen.
– Den eine skubba den andre så han låg flat på brua, midt i vegen. Vedkomande vil bli meldt.
Dei to partane er rundt 30 år gamle.
Ingen med dagen derpå-promille
Både laurdag morgon og søndag morgon har politiet hatt promillekontrollar i Os.
– Laurdag sto vi på Strønevegen, i dag har vi stått ved Plantasjen på Byvegen.
Alle dei kontrollerte var edrue.