Bråk og slåssing
Politiet: Trafikkontroll, funn av mogleg narkotika, bråk på Søfteland, Hagavik og i Os sentrum.
I halv elleve tida laurdag hadde politiet kontroll på Halhjemsvegen.
- Vi kontrollerte 33 bilar og det blei nokre advarslar men ingen skriftlege reaksjonar.
Posefunn i butikk
Det blei gjort funn av mulig narkotika i ein butikk på Amfi Os laurdag ettermiddag.
- Ein kunde hadde funne ein pose med pulver i butikken som han leverte i kassen, fortel politibetjent Anne Lyssand.
I åttetida blei det gjort kontroll av ein bilførar som "burna" i Industrivegen.
- Føraren er kjent for politiet og det blei oppretta sak på vedkommande.
Slåssing i Hagavik
Politiet rykte ut til ein kjent klagestad på Søfteland i ellevetida laurdag kveld.
- Det er ein stad vi oppsøkjer jamnleg der ungdomar oppheld seg og no var det meldt om mindreårige på staden, seier Lyssand.
Då politiet kom på staden var ungdomane vekke, men det låg att alkohol og klær på staden.
I Hagavik blei det meldt om slossing mellom ei kvinne og ein mann natt til søndag.
- Kvinna hadde blitt lagt i bakken av mannen, men han var stukke av då politiet kom på staden.
Politiet fekk snakka med den kvinna og mannen blei seinare pågripen for slossing og mistanke om promillekøyring.
Uro på Esso
Politiet hadde promillekontroll natt til søndag. 46 bilførarar blei kontrollerte men ingen fekk reaksjonar.
I dei seine nattestimar blei det meldt om ordensforstyrrelsar på Esso-stasjonen. Det var fem personar, ikkje alle var direkte involverte i hendinga.
- Ein person konfronterte ein annan om det det ikkje var akseptabelt å stele frå arbeidsplassen og så eksalerte det, fortel Lyssand.
Då politiet kom på staden var slossinga over og ingen av dei involverte ville anmelde saka. Personane blei beden om å forlate sentrum.
Litt seinare var det enda ei hending på Esso. Tre menn havna i slagsmål og fekk tilsnakk og munnleg pålegg frå politiet.
Ei 16 år gammal jente blei meldt sakna til politiet i fem tida natt til søndag.
- Jenta er no komen til rette, avsluttar Lyssand.