Braathen kåra til beste rekrutt

Bildeserie:

Full skjerm

1 av 2

I dag er perioden over for 993 ferske soldatar på rekruttskulen ved KNM Harald Haarfagre i Stavanger over, og to osingar har utmerkt seg i løpet av dei sju vekene.

I går blei Christina Forstrønen Bruarøy (18) tildelt prisen som raskaste kvinnelege rekrutt, då ho vann både 3000 meter (ca 11 minutt) og 10 km (36 minutt på ca 9 km løype).

I dag sto igjen 993 rekuttar frå både luft- og sjøforsvaret, fordelt på 23 troppar, oppstilt framfor forsvarssjef admiral Haakon Bruun-Hanssen då Sebastian Braathen frå Søfteland blei kalt fram og tildelt eit armbåndsur av forsvarssjefen som det synlege beviset på at han er kontingentens beste rekrutt frå sjøforsvaret.

I grunngjevinga står det:

«Rekrutten har fra første dag på Rekruttskolen utmerket seg positivt, ved å vise meget god motivasjon og innsats og oppfattes som svært seriøs i tjenesten. Rekrutten har oppnådd stor tillit hos befal og medrekrutter på troppen.

Rekrutten har tatt på seg oppgaver og gjort en god innsats for fellesskapet gjennom hele perioden. Blant annet ved å fungere som nestlagfører under feltøvelsen på Ulsnes, en oppgave som ble utført på en meget tilfredsstillende måte.

Rekrutten viser meget god forståelse i alle fag, noe som vises på samtlige prøver og tester de har vært igjennom. Soldaten har særdeles gode holdninger og viser stor evne til å ta initiativ.

Følgende utmerkelser er oppnådd:

• Bestått nivå 3 i skytetesten for Sjøforsvaret
• Bestått sanitet nivå 2
• Idrettsmerket

Resultat fysiske tester:

• 3000m: 13:20 min – karakter 3
• Pushups: 50 stk – karakter 6
• Sit-ups: 70 stk – karakter 6
• Hangups: 15 stk – karakter 6

Soldaten er også svært reflektert, og anbefales til videre tjeneste i Forsvaret.»

Visste ingenting

Sebastian Braathen fortel at han ikkje viste om utmerkinga før han blei ropt opp.

– Eg visste at eg var best på troppen og troppssjefen sendte meg vidare i ei konkurranse mot dei andre som var best på sine troppar kor vi konkurrerte både på teoretiske og praktiske oppgåver. Men at eg gjorde det best visste eg ikkje før i dag, fortel Braathen på telefon frå Madlaleiren.

Han innrømmer at han blei god og varm på ryggen då han skulle fram å helsa på forsvarssjefen.

– Ja, eg stressa ganske mykje, men det er jo berre å gå opp i rett og helsa. Eg må innrømma at eg samstundes tykte det var ganske fett.

– I tillegg var det kult at Christina blei den raskaste jenta på Madla og at vi var to osingar som markerte oss på denne kontingenten.

Håper på KV Svalbard

I kveld set han seg på nattoget til Oslo for å melde seg til teneste på Sessvollmoen i Ullensaker.

– Der skal eg gå eit åtte veker langt sanitetskurs, så er planen Kystvakta.

– Veit du kva båt du kjem på?

– Nei, det er slik at den som gjer det best på kurset får velje tenestestad først, så då er planen klar. Eg håper å kunne velja meg KV Svalbard.

– Etter det eg har blitt fortalt er det den største båten til Kystvakta og den som legg ut på dei lengste tokta. Alle eg har snakka med har anbefalt meg den.

Minne for livet

Braathen fortel om ei fantastisk rekruttperiode også utanom tildelinga i dag.

– Det har vore heilt fantastisk. Dei som seier at du kjem til å hugsa rekruttskulen med glede har heilt rett. Folka eg har møtt kjem eg ikkje til å gløyme med det første. Det er dei som har gjort dagane så bra som dei har vore, avsluttar Braathen.