– Bra folk melder frå

Klokka 2029 onsdag kveld sjekka politiet ein mogleg promillekøyrar som viste seg å vera edru.

Klokka 0345 kom det på ny melding frå publikum om ein grøn Toyota Avensis kor føraren tidlegare på kvelden ikkje skal ha vore edru.

– Vi var ute og såg etter den, men fann ikkje att den.

– Det at folk melder frå til oss når dei har mistanke om promillekøyring er veldig bra.

– Det kan vera at dei veit at vedkommende har drukke, eller dei observerar vinglete køyring.

– Verken du eller eg har lyst til å møte desse i trafikken, så at folk gjer oss beskjed så vi kan freiste å luke dei ut set vi pris på, seier lensmann Oddbjørn Dyrdal.

Råna på Kuventræ

I tillegg til dei to moglege promillesakane fekk politiet i 2-tida natt til torsdag melding om rånekøyring på Kuventræ.

– Meldar hadde eit arrangement der oppe og blei plaga av køyringa, som òg var til sjenanse frå naboane.

– Då patrulja både på Os og i Fana var opptekne med andre oppdrag, fekk vi ikkje reist ut på saka, forklarar Dyrdal.

Politiet har òg stoppa ein bilførar utan gyldig førarkort i Os sentrum. Vedkommande får sak oppretta mot seg.

Ein mopedførar fekk òg pålegg om å retta diverse tekniske manglar på mopeden sin.