Måndag kveld fekk Midtsiden tips om ein politiaksjon på Byvegen på Hetleflåten,der politiet hadde kjørt rett i ein bil i det den tok ein u-sving.
– Eg la merke til at trafikken gjekk veldig opp og ned i fart, frå 80 til 30 km/t og opp igjen i 80, fortel eit vitne.
Ved Skogen på Hetleflåten tok bilførar, med politiet i hælane, ein u-sving, men fekk politiet i sida.
– Mistenkt for promille
Årsaka til at politiet gjennomførte det dei kallar "tvangsmessig stans" av bilen er at bilførar nekta å stoppa.
– Førar var mistekt for promille, men stoppa ikkje på signal, fortel politibetjent Thorvald August Bye.
– Vi planla ein tvangsmessig stans av bilen og slo til då førar tok u-sving.
Busett i Os
Politiet vil førebels ikkje seia noko om kjønn eller alder på bilførar, men seier vedkomande var åleine i bilen.
Bilen er registrert på ein innbyggar i Os.
Minst tre av hjula på bilen ser ut til å vera ute av posisjon etter samanstøyten med politibilen.
Bilenhar også ein mindre bulk i sida.