Blei berga ned frå fjellet
Ein mann måtte hentast med ATV etter at han ramla på veg ned frå ein fjelltur søndag.
Søndag i 14-tida kom det melding om ei ulykke på Tøsdalsfjellet.
– Vi hadde gått over Borgafjellet og var på veg ned på Tøsdal då eg skadde ankelen min, fortel mannen som skadde ankelen sin.
Han var på tur med kona då uhellet skjedde. Ambulansepersonell rykte ut, og rekvirerte ATV frå Os brannvesen.
– Vi kom oss langt opp i terrenget, berre 50 meter frå der han skadde seg, fortel varabrannsjef Arne Monsen.
Kjørte ATV, men ikkje ambulanse
Os brann- og redningsteneste har investert i vogn til ATV med plass til båre. No fekk dei tatt denne i bruk.
Men ambulansen blei sendt heim.
– Eg kunne like gjerne sitja i ein vanleg bil til legevakt, eg ville ikkje halda ambulansen opptatt utan grunn, seier mannen, som slapp unna utan brot i ankelen.