Blaut helg i vente
Fredag førmiddag smalt det godt over Osøyro då Tor med hammaren fauk forbi. Laurdag blir søkk våt, men søndag kan bli solrik.
Det smalt godt over hustaka i Os sentrum fredag formiddag samstundes som slusene opna seg. Utover fredagen er det håp om at det skal letta noko.
Yr, som meldte lyn og torden på formiddagen, melder at det skal bli skya med glimt av sol og temperaturar opp mot 25 gradar utover ettermiddagen. Storm sine prognoser er meir pessimistiske med litt meir skyer og nokre fleire dråpar, men òg med gode temperaturar.
Aus båten!
Laurdagen vil by på meir torden, lyn og regn. Natt til laurdag skal det regna opp mot 41,4 millimeter i følgje Yr. Utover dagen vil regnet halde fram. Prognosene er usikre. Ein stad mellom 1,3 og 20,5 millimeter nedbør er spådd på dagen. Temperaturen vil ligga opp mot 20 grader.
Det kan vera ein god idé å sjå til båten, om du har ein open båt liggande på sjøen.
Lettare sundag
Sundag kan det sjå ut til å bli finare, før regnet igjen set inn på kveldssia.
Yr spår skya med sol uten regn fram til sundag ettermiddag. I følgje Storm kan det komma nokre dråpar også sundag, men det blir ikkje mange. Temperaturen held seg framleis relativ høg med 15 til 19 grader.
Utover i neste veke må vi belaga oss på regn. Det kan vera at det lettar noko onsdag og torsdag.