BKK bruker dynamitt
1400 hus i Os blei utan straum i går. 150 står igjen, og for å løysa problemet må BKK Nett sprenga vekk eit tre (!).
Torsdag ettermiddag blei Skeie, Skorvane, Strøno, Lysefjorden, Søfteland og delar av Os utan straum.
Til saman var over 1400, altså rundt 1/4 av husa i Os mørklagte.
– I 20.30-tida blei Strøno og Os kopla inn, i 23.30-tida fekk husa i Lysefjorden og på Søfteland straumen tilbake, seier kommunikasjonsrådgjevar Anne Mette Tuvin i BKK Nett.
– Men vi har framleis 150 som har vore utan straum sidan torsdag kveld.
Stort tre må sprengast vekk
Det er ytre del av Drange, Garvik, Balandsneset og Skåtøy som framleis er utan straum.
– Årsaka er eit tre som har velta over høgspenten som går langs Drangsvegen.
– Treet er så stort at vi må sprenga det vekk, seier Tuvin.
Ei spesialgrupper er på veg for å sprenga rota og fjerna treet, for så å reparera skadene på linja.
– Det er uvisst kor tid dette skjer, men vi jobbar med saka.
Det er også uvisst om bussen som i dag sperra Drangsvegen har stått i vegen for BKK.