Biltjuvar utnyttar kulda

Minusgrader, kald motor og kald bil. Då freistar gjerne ein varm kopp kaffi og eit besøk innom bensinstasjonen. Mange kjenner seg sikkert att i skildringa, men få tenkjer over at dette kan få konsekvensar for forsikringsoppgjeret, om bilen skulle forsvinna.

Skjer oftare enn ein trur

Det er ikkje sjeldan bilar står ”aleine” på tomgang utanfor bustader for å få bilene varme og isfrie før ein reiser på jobb. Dei går på tomgang utanfor bensinstasjonar, butikkar og barnehagar.

– Dette er ein invitasjon til ”uærlige sjeler” som er på jakt etter eit nytt framkomstmiddel, sier informasjonssjef i Gjensidige forsikring, Arne Voll.

– I dag er det nesten umogleg å stjela ein nyare bil utan original nøkkel, og dette veit tjuvane, sier Voll.

Kvart år oppleve Gjensidige at fleire titals kundar får bilen stolen på denne måten. Sjølv fryktar han ei auke i denne typen kriminalitet, og ber bileigarar passe ekstra godt på no når det er svært kaldt ute.

Økonomiske konsekvensar

– Når ein går ifrå ein bil som går på tomgang utan tilsyn, er dette eit brot på tryggleiksforskriftene, som seier at bilen skal vera låst, og at nøkkel ikkje skal oppbevarast i køyretøyet når ein går ifrå det.

– Står nøkkelen i tenningslåsen, vil ikkje startsperra forhindra tjuveri av bilen, og forsikringsselskapa reknar dette som grovt uaktsomt dersom bilen forsvinn, sier Voll.

– Blir bilen stolen i eit område der mange menneske ferdast, kan ein i verste fall risikera ei kraftig avkorting, noko som svir ekstra mykje for den det gjeld. Det er også viktig å tenka på miljøet, seier Voll og ber alle tenke seg om meir enn ein gong, neste gong dei vurderar å parkera med motoren i gang.

Fleire hundre i Hordaland

Tal frå Finansnæringens Hovedorganisasjon (FNO) viser at det blei stole i underkant av 5000 bilar det siste året. Det er stadig færre biler som blir stolne, og mykje av nedgangen skuldast at nyare bilar har installert startsperre. Det gjer det svært vanskeleg å stela ein bil utan original nøkkel.

I Hordaland forsvinn fleire hundre bilar kvart år. Dei aller fleste blir stolne.