Bildeserie frå brannen
Brannvesenet fekk ein varm dag på jobb - og hindra bustadbrannen frå å spreia seg til skogen bak.
Bildeserie:
Torsdag rundt klokka 13.25 rykte brannvesen, politi og ambulanse ut på melding om bustadbrann i Hegglandsdalen.
Brannen var i ein eldre einebustad cirka 300 meter innanfor Lien-fabrikken, og blei oppdaga av huseigar.
Han sat utanfor huset då han høyrde knitring frå innsida. Då han gjekk inn i bustaden blei han møtt av ein vegg av svart røyk. Han kom seg ut og fekk varsla om brannen, og fekk seg ein tur til legevakt for sjekk.
Brannvesenet var raskt på plass og starta sløkking frå både bakkenivå og kran. Dei hadde òg to røykdykkarar inne.
Hegglandsdalsvegen var stengt fram til klokka 14.10, ei kort stund etter at brannen var slått ned. Det var fare for spreiing til terreng, å hindra dette hadde høg prioritet, då det er stor skogbrannfare i Os for tida.
Bustaden har store brannskader i dei to øvste etasjane, og vasskader nedover i dei andre etasjane. Årsaka til brannen er førebels ukjent.