To bilbrannar i Os
Bilbrann i Midtbøvegen i natt og i morgontimane kom det melding om bilbrann i Lysefjorden.
Bildeserie:
Klokka 04.15 fekk politiet melding om ein bil som brann i Midtbøvegen.
– Bilen stod berre 1-2 meter frå husvegg, men det blei ikkje spreiing av brannen, fortel Eivind Hellesund, opersjonsleiar i Vest politidistrikt.
Os brannvesen kom på staden og fekk slukka brannen.
– Vi fekk vatn på og kjølt ned husveggen. Med det hindra vi at brannen spreidde seg til einebustaden. Hurtig varsling, rask innsats og dykige mannskaper hindra ein større bustadbrann i natt, fortel brannsjef Stein Gjøsund.
Bilen skal ikkje ha vore i bruk på 2 veker.
Bilbrann på Søvikneset
Klokka 08.45 kom det inn ny melding om bilbrann, denne gong i ein bil på Søvikneset i Lysefjorden. Denne bilen hadde vore i bruk tidlegare på dagen.
– Bilen er fullstendig utbrent, men brannen spreidde seg ikkje vidare.
Os brannvesen rykte ut og fekk slukka brannen som sto på ein sideveg.
Politiet vil starta undersøkingar på begge brannane og forsøka å finna ut kva som har skjedd.