Lokal | 04. jan. 2013
To bilar knust på Byvegen
Det er kø og dirigering mellom Prestegardsskogen og Idrettsvegen etter kollisjon fredag ettermiddag.
Kjetil Vasby Bruarøyfredag 04. jan. 2013 16:23
Fredag i 15.50-tida kom meldinga om kollisjon på Byvegen.
To bilar står skadd i vegen mellom AMFI Os og Rema 1000 og trafikken blir dirigert forbi i det eine opne kjørefeltet.
– Éin person blir tatt hand om av ambulansepersonell, men eg trur det er snakk om lettare skade, opplyser politiet på staden.
Det er ein BMW og ein Citroen varebil som har braka saman i noko som ser ut til å vera ein frontkollisjon.
OPPDATERT: Ingen skal ha blitt blitt "betydeleg skadd" i ulykka. Det er heller ikkje mistanke om promille hos nokon av førarane.
Samanstøyten skal ha skjedd då ein av bilane skulle svinga av hovudvegen.