Bil mot MC
Trafikkulykke i Lysefjorden. Ein bil og ein motorsykkel har kollidert.
Omlag klokka 15.50 rykte naudetatane i Os ut på melding om ei trafikkulykke i Lyesfjorden.
– Os, Søvikvegen: Trafikkulykke. Bil mot motorsykkel. Naudetater på veg, melder 110-sentralen på twitter.
I følgje eit vitne har motorsykkelen kome nedover Sperrevikvegen frå Drange. Ulykka skal ha skjedd i den skarpe svingen rett ovanfor kloakkrenseanlegget i Lysefjorden. Alle dei involverte satt oppreist ved vegen då Midtsiden-lesaren passerte staden.
– 2 personer på motorsykkelen er teke hand om av helse. Os brannvesen hjelper til med opprydding på staden, opplyser 110-sentralen.
Vegen er no opna igjen.
Ei ulykke til
I det naudetatane var på veg til Lysefjorden skjedde samstundes eit trafikkuhell i Mobergsbakkane.
– Det var ei påkøyring bakfrå. Ein av mannskapa som var på veg til stasjonen for å rykke ut, meldte om hendinga. Der skal det ikkje ha vore personskade, fortel brannsjef Stein Gjøsund.