Bil hamna på jorde
Uhell på Nore Neset og sladding i Os sentrum.
Fredag i 18-tida fekk politiet melding omeit lite uhell på Nore Neset.
– Ein bil hadde hamna ut på eit gjorde, fortel vakthavande ved Bjørnafjorden politistasjon.
Ingen blei skadd. Bil og bilførar blei kontrollert, og politiet fann ikkje grunn til å oppretta sak.
– Det var glatt på staden, og bilen hadde byrja å skli bakover då den skulle opp ein isete bakke.
– Eigar sa han sjølv ville få bilen opp med traktor i løpet av laurdagen.
Også andre stadar i Vest politidistrikt har det vore uhell på glatten.
110-sentralen meldte rundt midnatt om ein bil som låg på taket i vegbanen i Sævareid.
I 01.15-tida hamna ein bil i ein murkant og gjekk vidare rundt og blei liggande på taket på Askøy.
Sladda utanfor bensinstasjon
I 01-tida natt til laurdag observert på tampen av ein sladd inne på området til ein bensinstasjon i Os sentrum.
Bilførar blei kontrollert. Han erkjente å ha sladda. Politiet opplyste om farepotensiale og reglane kring sladding, som kan føra til førarkortbeslag.
Hendinga blei loggført, men det blei ikkje oppretta sak. Bilisten fekk køyra vidare.
