Betre signal i hamna
Kystverket var på monteringsoppdrag i Os hamn i dag.
Bildeserie:
Det ruva litt i Os hamn i dag, Kystverket sitt knappe to år gamle multifunksjonelle fartøy OV "Utvær", som på ettermiddagen segla inn til moloen på Steinneset.
– Vi skal montera signallys ytst på moloen, fortel Lars Robbestad til Midtsiden.
Farleg å kutta svingen
– Det einaste lyset som er her frå før er dette, seier han, og peiker opp på den vesle lyktestolpen over enden av gangvegen på moloen.
– Om båtar kjem frå Fusa eller Hatvik mot Os, og kappar svingen her ved moloen, så er det nokre steinar her som kan vera skumle.
Kystverket var tidlegare i dag på tilsvarande oppdrag i Norheimsund.
– Dette er einaste montering i Os i denne runden, seier Robbestad.
Fakta om OV "Utvær"
Byggnr. 33 ved Fitjar Mekaniske Verksted AS
Døypt i august 2012
Lengde: 44 meter
Breidde: 12 meter
Fart: 14 knop
Kapasitet oljeoppsamling: 156 m³
Kapasitet kran: 2800 kg v/21,4 meter, 7000 kg/11,0 meter
Mannskap: 9 per skift, i 2 skift.
Les meir om OV Utvær på Kystverket.no