«Bestevennen til Erik har blitt nynazist»

Tor Arve Røssland er aktuell med boka «Jegeren», ein intens thriller om ekstremisme.

«Jegeren er ein frittståande oppfølgjar til boka «Dronen» frå 2018.

Dronen var den tredje i Skumring-serien, triologien som starta med bøkene Gamer og Snatch.

– Etter Dronen var ikkje Røssland heilt ferdig med kameratane Thomas og Erik, fortel Evy Songstad frå forlaget Mangschou.

I Dronen blei Thomas og Erik rekruttert til eit nynazistisk miljø. I Jegeren har Erik brote med nynazistane. No vil han infiltrera det valdelege miljøet for å få Thomas ut.

Tor Arve Røssland er oppvaksen på Husnes, og har budd i Os i over 15 år. i 2019 feira han 20 år som forfattar.