– Beste gåva eg kunne fått!

Eirik Søfteland tok plass bak trommene då han framførte Månemannen av Vamp som siste mann ut i Idol fredag kveld.

I starten av programmet sjarmerte han dommar og bursdagsbarn Tone Damli med Tigergutt av CC Cowboys i deltakarane sin intro-medley.

Norsk på norsk var tema for kveldens sending og deltakarane viste at dei beherska morsmålet til fulle.

For å rigge scena for Eirik med fullt trommesett blei han siste mann ut. Ikke først som vi trudde då vi snakka med Eirik før kveldens program.

– Ta i mot trollmannen frå Os. Rockekongen Eirik Søfteland, avslutta programleiar Stian Blipp første del av programmet med.

Dumdristig Eirik

Eirik overbeviste bak trommesettet og leverte kveldens best prestasjon frå scena i Chateau Neuf.

– Då du kom inn i Idol blei du mistenkt for å vera ein artist med berre eit kort i ermet.

– Du har eit godt snev av dumdristighet når du skal spele trommer samstundes med å synga, introduserte Stian Blipp.

– Ville sett på for lenge sidan

Eirik spelte så taket løfta seg og fekk dagens beste tilbakemeldingar frå dommarane. Ståande applaus og vill jubel i salen då han avslutta.

- Herregud, var den umiddelbare responsen frå dei fire dommarane.

– Hadde eg visst at dette kunne skje på Idol hadde eg sett på for lenge sidan, jubla Dansken.

– Tusen hjerteleg takk. Dette var den beste bursdagspresangen eg kunne fått, strålte Tone Damli.

– Se meg bukke djupt og stiligt, helsa Gunnar Greve med referanse til teksten.

– Dette var sinnsykt!

– Du er definitivt den med mest musikk i kroppen, helsa Kurt Nilsen.

Har gjort det før

Etter showet fekk Eirik Søfteland spørsmål om han ikkje hadde grudd seg.

– Nei, dette var spekemat frå ende til annen.

– Eg var trygg på at eg skulle klare det, eg har gjort det før, smilte idolet Eirik Søfteland.

Sverre Eide rauk etter å ha framført Gabrielle sin Ring meg.