Politi | 15. mai 2022
Ber om tips etter at jente blei påkøyrd
Blå bil køyrde frå staden etter uhell i fotgjengarfelt.
Kjetil Vasby Bruarøysundag 15. mai 2022 09:55
Laurdag rundt klokka 13.15 fekk politiet melding om eit trafikkuhell i Os sentrum.
Ei 13 år gamal jente hadde blitt påkøyrd i eit fotgjengarfelt.
– Jenta er uskadd. Vi har vore i kontakt med mora og oppretta sak, seier politioverbetjent Anne Lyssand.
Den involverte bilen stakk frå staden. Bilen er blå, bilførar skal ha vore ei kvinne.
– Vi ber bilførar melda seg. Vi ønskjer også kontakt med eventuelle vitne til hendinga, seier Lyssand.
Uhellet skal ha skjedd nær rundkøyringa, i fotgjengarfeltet frå Os terminal og Os taxi over Hatvikvegen mot Esso.
