Båtbrann i Korsfjorden
To menn redda av fritidsbåt mens ferje var på veg for å hjelpa.
Video og foto: Sofie Størkson, Annika Skaathun og Marlene Østervold Tøkje
Tysdag klokka 16.45 fekk Midtsiden melding om brann i båt utanfor Austevoll.
Tipset kom frå passasjerar frå Os som er elevar og lærlingar, på veg frå Hufthammar og heim.
– Dei informerte om brannen over høgttalaranlegget. Då gjekk vi opp på dekk for å sjå. Det såg dramatisk ut! synst Sofie.
Båten låg utanfor skjeret Eldjarnet i Korsafjorden, og sto i full fyr.
Verken 110-sentralen eller Vest politidistrikt skreiv på X om brannen.
Ferja som gjekk motsett veg køyrde bort for å hjelpa. Ambulansebåten, som har base på Austevoll, kom òg fort til staden.
BT fortel at det var ein båt på 21 eller 23 fot med to mann om bord.
Dei to blei plukka opp av ein fritidsbåt før ferja kom til staden. Båten brann opp og gjekk ned.
