Båt gjekk ned i Oselvo

Søndag litt før klokka 10 fekk Midtsiden tips med spørsmål om vi ville etterlysa eigar av båten på bildet.

– Politi er på staden. Også brannvesenet er på plass for å hindra forureining, seier operasjonsleiar Kjersti Eidsnes i Vest politidistrikt.

Eigar skal no vera varsla.

– Båten låg heilt fint i går, eg oppdaga dette no, seier tipsar.

Det er førebels uvisst kva som har gjort at båten har gått ned.

Hærverk på busskur

Politiet fortel om ei roleg natt til søndag.

Laurdag formiddag hadde dei promillekontroll på Ulvensletta. Alle 35 kontrollerte var edru.

Klokka 10.30 laurdag fekk politiet melding om at nokon har knust busskuret ved Amfisenteret.