Barnas Dag blei stor suksess
VIDEO: Høgt aktivitetsnivå og nesten full tribune.
Bildeserie:
I dag fekk Os Fotball testa ut ein ny type arrangement - Barnas Dag - med to timar gratis gøy for dei yngste og fri entré på tribunen for born og vaksne etterpå.
• Les òg: To timar med leik - tom timar på tribunen
– Vi har ikkje eksakt tal, men eg trur vi hadde mellom 200 og 300 ungar her i dag. Vêret var fint og eg trur alle hadde det gøy, seier initiativtakar Mats Cato Moldskred.
Ungane kunne sjølv delta på dei aktivitetane dei ønskte. I periodar var det lang kø på både boblefotball og hoppeslott/rutsjebane, ansiktsmaling, skotradar og hurtighetsmålar var òg populært.
Etter to timar var det kamp, Os mot Loddefjord.
– Nokre av deltakarane var så unge at dei hadde foreldra med seg, andre var i ungdomsskulealder. Etter to timar med aktivitetar var det nok enkelte som gjekk heim, likevel var det 640 på tribunen.
• Les òg: Os knuste Loddefjord
– Eg håper nokre av dei som såg kampen, som ikkje er så ofte på Kuventræ, no får lyst til å koma igjen og følgja oss utover hausten på veg til opprykk, seier Moldskred.