Bål og pipebrann på Søfteland
Laurdag morgon var det full fyr i ei pipe, natt til søndag rykte brannvesenet ut på bålbrenning.
Laurdag i 8-tida kom melding om pipebrann på Søfteland.
– Det var full fyr i pipa og over 100 gradar varmt på utsida av pipa, seier varabrannsjef Arne Monsen.
– Men vi fekk fort kontroll på brannen, legg han til.
Det var folk i huset då det byrja å brenna i pipa. Dei kan ikkje bruka omnen igjen med det første, men kunne fint bu i huset etterpå.
Grilla nattmat?
Klokka 02.20 natt til søndag rykte brannvesenet ut på avstandsmelding om brann.
– Nokon hadde sett opne flammar i eit bustadområde på Søfteland.
– Vi rykte ut og fann eit bål, men ingen folk.
Varabrannsjefen minner om at det er forbode å brenna bål etter at det er mørkt, blant anna for å hindra unødig utrykning. Du skal også sløkka eit bål før du går ifrå det.