Avskilting og russestøy

Tysdag kom politiet over ein bil i Askvik som dei ville sjå nærare på.

– Det viste seg at bilen hadde begjering om avskilting på seg.

– Den mangla både forsikring og hadde ikkje vore til dei naudsynte kontrollane, fortel politioverbetjent Terje Sperrevik.

Utgåtte skilt

På ettermiddagen tysdag møtte patrulja ein bil med prøveskilt i Byvegen.

– Desse skilta var gått ut på dato, og føraren blei meldt for forholdet.

Sint nabo klaga på russen

Natt til onsdag fekk politiet ein telefon frå ein bebuar i området ved Flåten.

– Han var rimeleg irritert på levenet russen laga klokka 04 om natta.

– Støyen skal ha gått føre seg i omlag 20 minutt og ungane til meldar skal ha bli vekt, fortel Sperrevik.