Avklaring om pris, reglar og betaling
Over helga kjem nytt skilt på plass på bubilparkeringa på Steinneset.
Bildeserie:
Til palmehelga opna den nye parkeringsplassen på Steinneset, der det er plass til 9 bubilar (eller 18 personbilar).
Plassen, som førebels ikkje har hatt betalingsløysing eller er skilta med informasjon om pris og vilkår, var full gjennom heile påsken.
Også no i helga har det vore godt besøk. Den første gjesten kom torsdag ettermiddag, frå fredag har det vore nesten fullt.
• Les òg: – Vi forstår at det er kamp om plassen
Tømestasjon og automat vest for Oselvo
– Gruppa som jobbar med dette har landa på at vi bruker betalingsautomaten som båtfolket bruker. Desse automatane kostar nokre hundre tusen å installera, og tømestasjonen er for bubilgjestane er allereie på plass ved Os kommune sitt pumpehus rett nord for Esso, fortel kommunalsjef Aina Tjosås.
På same bygg heng betalingsautomaten for båtfolket - og no; bubilgjestane.
– Prisen per døgn er den same (150 kroner), og vi jobbar i tillegg med å få på plass ein betalingsapp.
Camping forbode
Til veka vil det koma skilt på plass ved bubilparkeringa på Steinneset.
– Det har vore spørsmål om campingvogner, både før etableringa av parkeringsplassen og etter at ein osing har budd i campingvogn sidan opninga av plassen.
– Skilt med «Camping forbode» er allereie på plass. Det gjeld både telt og campingvogner, mens det er lov å parkera bubil og å overnatta i denne.
– Vi har hatt dialog med eigar av campingvogna heile vegen. Sjølv om vi ikkje krev betaling før skilt har kome opp så flytta han vogna no før helga.