Aukar til 58 leilegheiter

Bildeserie:

Full skjerm

1 av 7

Plan- og bygningsutvalet fekk torsdag presentert dei reviderte planane for Lientomta ved eldresenteret då dei hadde detaljreguleringa oppe til 2. gongs handsaming.

– Vi har auka maks antal einingar frå 45 til 58 og lagt til ein etasje på alle hus unntatt tre.

– I tillegg har vil gjort endringar i bestemmelsane i krav til minste felles leike- og uteoppholdsareal. Desse er satt til 25 kvadratmeter. I den førre planen var desse satt til 50, men då var private områder inkludert. Det reelle arealet var 37,5 om ein bereknar det på same måte.

– Som eit supplement er det regulert inn eit gatetun utforma på fotgjengarane sine premisser. Det vil bli tilrettelagt slik at ein maks kan køyra i gangfart der, forklarte Åshild Blomdal, arealplanleggar hos ABO Plan & Arkitektur som har vore plankonsulent for tiltakshavar Bygg Concept.

6 etasjar

Prosjektet er av dei første som heilt konkret utfordrar gjeldande bestemmelser i sentrumsplanen kor det ligg ei begrensing på fire etasjar.

– Tettstaden Osøyro skal ligge på begge sidar av Oselvo. Oselvo vil bli eit viktig tettstadinnslag i framtida.

– Prosjektet skal vera med å styrka tettstadutviklinga. Men skal ein gjera det må vi å ha ein optimal utnyttelsesgrad i prosjektet. VI må ha så mange beburarar som vi kan.

– Det reviderte prosjektet er veldig likt det prosjektet vi hadde før når det gjeld fotavtrykket, men det er lagt på ein etasje på dei fleste plassane. Samstundes har det vore viktig å tilpassa bygningane til terrenget. Det gjer at dei frå Hatvikvegen ikkje ser så høge ut.

– Vi har òg tenkt at bygningane ikkje må bli for flate og kjedelege. I tre av bygga har vi lagt inn leilegheiter i 6. etasje for å få dynamikk og leikenheit i bygningsmassen. Store bygningar som har same gesims heile vegen kan bli litt kjedeleg, forklarte Jan Haaland, sivilarkitekt hos ABO.

Korleis oppdaga snarvegen?

I prosjektet har arkitektane teikna inn det dei ser for seg skal vera ein offentleg gangveg/snarveg frå Osbrua til overkanten av den skarpe svingen i Hatvikvegen.

– Er det tenkt noko på inntrykket i høve snarvegen når ein kjem ovenfra og skal ned. Den må utformast slik at ein blir invitert til å bruka den, kommenterte Johannes Halvard Vedelden (KrF).

– Det kan hende vi kan kombinera det med ei trapp i tillegg til den universelt utforma gangvegen, svara Haaland.

– Når vi såg på illustrasjonsplanen, så har vi tenkt siktliner. Tanken er at du blir invitert nedover ved hjelp av siktlinene, supplerte Åshild Blomdal.

Vil ta noko utsikt

Plankonsulentane forklarte at spesielt ein av naboane i bakkant hadde kome med innsigelsar i høve utsyn og støy.

– Naboen er uroa for refleksjonsstøy frå bygningane og vegen. Støyberekningar Sweco har gjort syner at denne vil bli maks 0,5 dB høgare enn i dag. Då er også Bjånesutbygginga lagt inn i grunnlaget, forklarte Blomdal.

– Når det gjeld utsikt så tek vi noko utsikt frå spesielt ein av naboane. Det gjeld spesielt når du ser nedover. Ser du rett ut er det mindre. Vi meiner dette er så sentrumsnært at det er akseptabelt. Det høyres ut som vi tek vekk all utsikt, men det gjer vi ikkje, forklarte Haaland og viste illustrasjonar for å dokumentera det.

– For meg er dette litt Os Sjøfront versjon 2. Då òg var det velidg fokus på bakenforliggande hus og tap av utsikt. Eg ser det som ein naturleg konsekvens av ønska og villa fortetting. Naboane beheld vidsynet av utsikt, men nærutsikten forsvinn. Det er ein konsekvens av at vi ønskjer og vil fortetta, kommenterte Espen Aspenes (Frp).

Sjølve handsaminga av saka blei utsett til neste møte, då utvalet ønskja ei synfaring før dei tek den endelege avgjera.