Vêret i Os | 09. aug. 2024
Auka fare for flaum
Gult farevarsel for Vestland frå fredag kveld.
Kjetil Vasby Bruarøyfredag 09. aug. 2024 13:20
Mens det er oransje farevarsel for skogbrann i Troms og Finnmark, er det gult farevarsel (moderat fare) for flaum i Vestland, Rogaland og vest i Agder.
Årsaka er at det er venta mykje nedbør, 60 til 100 mm, det neste døgnet. Men det er venta mest nedbør eit stykke inn frå kysten.
– Faren aukar frå fredag kveld, skriv met.no.
Det er fare for overvatn i tettbygde område og jordskred.
Innbyggarane blir oppmoda å reinsa stikkrenner og fjerna kvistar frå kummar, så vatnet får renna fritt.