Lokal | 11. jan. 2016
Auka arbeidsløyse i Os
Talet på arbeidsledige i Os har auka med 24 prosent det siste året.
Cathrin Valestrandmåndag 11. jan. 2016 09:43
Den siste statistikken frå NAV over arbeidsledige viser ei stor auke i arbeidsledige i Os kommune. Ved utgangen av desember månad var 371 personar utan arbeid. Dette er 61 fleire enn i 2014.
Hakket over snittet
Talet personar som er arbeidssøkjande har dermed bikka over tre-prosent grensa som er snittet i Hordaland, og landa på 3,1 prosent av arbeidsstokken.
Mykje av auka i arbeidsledige skuldast nok nedgangen i oljerelaterte næringar.
Rolls Royce stengte også dørene i fjor, og fleire av arbeidstakarane der vart overtallige.
I skrivande stund er det ti utlyste stillingar på Os i følgje NAV sine internettsider.
Seks av utlysingane er knytt opp til barnehagane i Os.