Lokal | 22. okt. 2011
Audi vs hjort
Ein ungbukk måtte bøta med livet og ein bil blei skadd i fronten i ein samanstøyt laurdag kveld.
Kjetil Vasby Bruarøylaurdag 22. okt. 2011 21:15
Laurdag i 19.30-tida fekk Midtsiden melding om ein påkjørt hjort på Moberg.
Ingen personar blei skadd, men bilen, ein Audi A3, fekk ein god bulk i fronten og hjorten, ein pik (haltanna-årsbukk), døydde.
Både politiet, viltkontakten og mannen som kjørte på hjorten var på staden då Midtsiden kom fram.
– Hjorten hoppa ut i vegen, kryssa kjørefeltet, snudde og sprang tilbake, seier føraren.
Ulykka skjedde rett nord for tunnelen på Moberg.