Åtvarar mot ski-besøk på golfbanen

Fredag formiddag kunne Bjørnefjorden Golfklubb ønskja velkomen til nykøyrde spor i ei fem kilometer lang løype på golfbanen.

– Vi fekk ein kjekk start på helga med mykje besøk, bra med folk i kafeen og veldig god stemning blant dei som sto på ski, fortel dagleg leiar Bjarte Wiberg.

Men i dag er det andre forhold.

– Folk må gjerne koma og stå på ski, men spora er snødde igjen og vegen er ikkje brøytt, så dei bør helst setja bilen ein annan stad. Vi fråråder folk å køyra inn her no.

– Eg fryktar at folk skal køyra seg fast om dei kjem inn her med bil. Vi kjem heller ikkje til å halda kafeen open i dag, sidan vêret er som det er.