Åtvarar mot glatte vegar

Rett før klokka ni sundag morgon fekk politiet melding om kollisjon mellom tre bilar på Søfteland.

– Det skal ikkje vera personskade, men det er svært glatt på staden, melder operasjonssentralen i Hordaland politidistrikt.

Politiet har fått fleire meldinger frå rundt i fylket om trafikkuhell og utforkøyringar sundag morgon.

– La bilen stå

I helga var fristen for å legga om til sommardekk, men som bilist har du likevel ansvaret for å vera skodd etter forholda.

– La bilen stå, eller legg om att, om du har skifta til sommerdekk, er oppfordringa frå politiet.

Under trafikkdirigering forbi ulykkesstaden på Søfteland kom det ein bil på sommardekk.

– Føraren vil bli anmeldt, er meldinga frå politiet.