Samferdsle | 25. mai 2023
Åsen - Helleskaret: Signerte avtale i dag
I går gjekk karensperioden ut, i dag blei kontrakt skriven.
Kjetil Vasby Bruarøytorsdag 25. mai 2023 14:52
Torsdag 30. mars klokka 12 var det frist på anbodsrunden på 1,6 km lange fylkesveg 5156 Åsen-Hellskaret.
Vi fekk innsyn i opningsprotokollen, som viser tilbod frå 8 aktørar og prisdifferanse på 59 millionar kroner på høgaste og lågaste tilbod.
Karensperioden var utvida til onsdag 24. mai klokka 14. Då det ikkje kom inn klage innan frist, var det i dag duka for kontraktskriving.
Vestland fylkeskommune har med det engasjert Bertelsen & Garpestad AS til å bygga ny fylkesveg mellom Åsen og Helleskaret.
Prisen er på om lag 200 millionar kroner.
Arbeidet startar til hausten og skal vera ferdig sommaren 2025.
