Årsbeste og sølv i nordisk
Arne Hadler-Olsen og Mattias Haugland tok, saman med seks roarar frå Fana og Bergen, sølv i nordisk meisterskap i roing.
I helga blei nordisk meisterskap i roing arrangert i Stockholm.
Svenskane vann på heimebane, Danmark kom på 2. plass og Noreg på 3. plass samanlagt.
I åttar blei det sølv og juniorlandslaget, som består av to roarar frå Os og seks frå Fana og Bergen, leverte årsbeste med tida 5,58,5 på 2000 meter og var berre 0,7 sekund frå siger.
– Dei gjekk knallhardt ut frå start og leia dei første 1500 meterane. Innspurten blei tett og jamn, men danskane var så vidt framfor ved målgang, seier trenar Audun Hadler-Olsen.
Laurdag rodde Arne og Mattias i kvar sin dobbelfirar i Nordic open regatta, og kom på 2. og 5. plass.
No ventar ei veke med treningsleir i Danmark somblir avslutta med internasjonal regatta 6. og 7. juli.
Åttaren besto av:
Mattias Nikolai Haugland (Os Roklubb)
Knut Jonas Fevang (Fana Roklubb)
Adrian Stragiotti (Fana Roklubb)
Didrik Wie-Soltvedt (Bergens Roklubb)
Petter Bang Andreassen (Fana Roklubb)
Arne Hadler-Olsen (Os Roklubb)
Tor Hellebø (Bergens Roklubb)
Johannes Jansen Heggebø (Fana Roklubb)
Ulrik Wie-Soltvedt (Bergens Roklubb), cox
Dobbelfiraren som fekk sølv:
Petter Bang Andreassen (Fana Roklubb)
Arne Hadler-Olsen (Os Roklubb)
Tor Hellebø (Bergens Roklubb)
Johannes Jansen Heggebø (Fana Roklubb)