Årsbeste av Karoline

I helga kjørte Karoline, som byrja med bilcross i fjor, sesongens siste klubbmeisterskap.

I førre vestlandsmeisterskap hamna ho på 3. plass i C-finalen, i helga var ho éin plass ifrå å kjøra A-finale.

– Dei fire beste kjører A-finale saman med vinnaren av B-finalen. Karoline hamna på 5. plass etter tre andreplassar og éin tredjeplass som beste plasseringar i dei fire innleiande rundane, seier bestefar Håvard Gåssand stolt.

Med 5. plass blei det B-finale, for første gong, og der tok Karoline ein fin 3. plass.

– Dette blei hennar beste prestasjon til no! Til helga skal vi avslutta sesongen i Vikedal. Der er det fleire deltakarar og endå hardare konkurranse, seier Gåssand.