Årets skumlaste nyttårsbukkar?
VIDEO: Lynn Renate Nebb frå Os Røde Kors Hjelpekorps viser korleis du kan laga maska di sjølv.
Bildeserie:
Nokre går julebukk, 2. juledag eller heile romjula, andre går nyttårsbukk.
Og nyttårsbukkane er ofte litt skumle, og i Os er dei fleire nyttårsbukkar enn det er ungar som tiggar snop på Halloween.
I USA er det vanleg å laga maske og kostyme sjølv, når du går trick 'n' treat, og på YouTube finnest fleire tips til korleis du kan sminka deg skummel eller skadd.
Vi fekk hjelp av Lynn Renate Nepp frå Os Røde Kors Hjelpekorps, til å sminka Guro Drange Veglo og Elin Hatteberg Aadnevik frå jentelaget til Os fotball.
SJÅ VIDEO NEDST I ARTIKKELEN
– Når vi har øving med hjelpekorpset så sminkar vi ofte markørane (dei som speler skadde på ei øving) med tilsvarande skade som vi skal øva på, anten det er brannskade, kutt, armbrot eller frostskade.
– Hjelpekorpset har eigne kurs i å sminka skadde. Eg har ikkje gått på kurs, men før eg byrja å studera for å bli ambulansepersonell tok eg formgjevingsfag på Fusa vgs, og der hadde vi litt om sminking.
– Eg er amatør. Dette kan alle klara og utstyret er lett å få tak i.
Dette treng du: Spenol, vaselin, gelantin, voks, god maling (svart og raud), svamp og spatel.
– Prøv å få tak i god ansiktsmaling eller teatermaling, det er best for huden. Voks må du kanskje på ein hobbybutikk for å kjøpa, men du kan klara deg med gelantin og vaseling i staden, seier Lynn Renate.
Slik gjer du det, brannskade:
1. Legg gelatin i lunka vatn.
2. Ta på klede du ikkje er redd for.
3. Ta spenol på huden før sminke, då blir sminken lettare å ta av etterpå.
4. Start gjerne med ein svart farge i botn.
5. Ta på gelatin. Har den lagt for lenge mister den litt hefteevne, så då må den henga litt til tørk.
6. Klipp små hol/hakk i gelatinen.
7. Smør på med svart og raud maling, ekstra nøye i overgang mellom sår og uskadd hud.
8. Huden kan gjerne vera sota/svart utanfor såret.
9. Om du vil lage blemmer i såret, bruk sprøyte med vaselin.
Slik gjer du det, kuttskader:
1. Bruk voks om du har, eller prøv med ei stripe gelatin eller vaselin.
2. Finn ein stad å legga kuttet. Gå over med spatel for å laga kuttet i voksen.
3. Lagg maling i opninga/såret.
4. Trykk lett med litt raudfarge rundt såret. Legg gjerne på nokre striper med rennande blod.
5. Prikken over i-en, nokre stiftar i såret.
VIDEO: Sjå korleis Lynn Renate Nebb sminka Guro Veglo med brannsår og Elin Hatteberg med kuttskade. (Foto: Kjetil Vasby Bruarøy)
PS! Vil du sjå meir avansert skrekk-sminking? Sjekk blant anna denne og denne videoen på YouTube.