Lokal | 18. mai 2015
Årets eldste festdrakt?
La du merke til desse «bunadane» i går?
Kjetil Vasby Bruarøymåndag 18. mai 2015 09:01
Blant bunadar frå Os og Hardanger dukka det opp to mindre fargerike antrekk under 17. maifeiringa på Kyrkjeflaten.
– Det går mest i jordfargar. Skarpe fargar var berre for dei rikaste, seier Øyvind Lye.
– Som du ser er eg meir velståande enn Øyvind, seier Magna Nordgard, og viser til at ho har ein del blåfarge på antrekket.
Levande historieforteljing
Dei to festkledde, Magna og Øyvind, bur i Os, men er medlem i eit vikinglag frå Vestfold.
– Vi driv med levande historieforteljing og deltar blant anna på marknadar.
– Kleda våre er laga av ull og alt er sydd for hand. Det skal vera så autentisk som mogleg, fortel dei to, som ikkje vil bli avbilda med synlege sko, for der hadde dei fuska i det våte vêret.