Arbeidet held fram til laurdag morgon
To vegstykke får ny asfalt.
Måndag kveld var det periodar med kø i Mobergsbakken. Årsaka var fresing av asfalt.
Tysdag ser begge køyrefelta ferdig freste ut, også fartsdumpane ved fotgjengarfelta er vekke.
Ved rundkøyringa i sentrum står maskinene klare til vidare arbeid.
– Arbeidet skal gå kveld og natt, frå klokka 19 til 06 om morgonen, opplyser vakthavande ved Vegtrafikksentralen.
Det blir manuell dirigering mens arbeidet pågår. Arbeidet skal vera ferdig klokka 06 laurdag morgon 4. juni.
Om du har det travelt på kveldstid kan det med andre ord vera ein fordel å køyra over Mobergsbrua eller Ulvensletta.
Tar to vegstykke
Vestland fylkeskommune opplyste i starten på april at dei skal legga 217.667 meter med nytt asfaltdekke på eige fylkesvegnett i år.
Av 217,6 kilometer kjem 5,7 km i Bjørnafjorden kommune.
Desse tre vegstykka i Bjørnafjorden skal få nytt dekke i år:
- FV583 frå rundkøyring ved Industrivegen til Os sentrum: 2.546 meter
- FV552 frå Moberg til Os sentrum: 1.544 meter
- FV552 på Venjaneset: 1.610 meter
– Både Mobergsbakken og Byvegen opp til Industrivegen skal takast i denne runden.
