Anne Noss Nordvik tilbake til Os
Styrkar laget med heimkomen keeper.
Keeper Anne Noss Nordvik, som fyller 19 i år, er tilbake på Os før seriestart i 2. divisjon.
Anne er frå den gode 2003-årgangen til Nore Neset, som vann KM-finalar, Adidas Cup og tok seg til Norway Cup-finale. Ho har også vore på kretslaget.
Anne spelte 11 kampar for Os/Nore Neset sitt seniorlag i 3. divisjon i 2019. Os landa på 5. plass i ny divisjon etter opprykk til 3. divisjon hausten 2018.
– Eg kjenner Anne godt, både frå aldersbestemt fotball og A-laget. Vi er veldig nøgde med at Anne kjem tilbake, og med det å få nok ein keeper i stallen, seier hovudtrenar Ørjan Sandal.
Frå 1 til 3 keeperar
Frå før har Os Anna Kyte Haugland, som sto i mål i alle kampane då Os i haust rykte opp nok ein gong.
– Anna er heldigvis med oss vidare. Ho måtte stå alle kampane i haust, anten ho var frisk eller skadd, men presterte veldig bra i den sterke opprykkssesongen.
– Men det blir godt med nok ein keeper i stallen. I tillegg har talentfulle Maria Hatvik Flister (fødd i 2007) blitt gamal nok til å bidra på seniornivå.
God erfaring frå 2. divisjon
I 2020 var Anne med på Os sin treningsleir på Kypros, men blei skadd i ryggen. Ho fekk tre kampar for J19 før ho byrja å trena med Sandviken.
Tilbake på banen i 2021 spelte Nordvik i haust ni kampar for Loddefjord, som rykte opp frå 3. divisjon i 2019.
I førre veke blei det kjent at også Malin Solstrand Ludvigsen er tilbake på Kuventræ.
Ho spelte for Arna-Bjørnar 2 frå 2019.
