Lokal | 21. nov. 2013
Angreip forsvaret med laser
Ein helikopterpilot frå øvelse Vestlandet blei torsdag morgon sendt til sjukehus etter å ha blitt blenda av laserlys over Søfteland.
Andris Hamretorsdag 21. nov. 2013 09:15
Klokka 0810 torsdag morgon fekk lensmannskontoret i Os melding frå tårnet på Flesland at eit av helikoptera som har base på Ulven under Øvelse Vestlandet hadde blitt blenda av eit grønt laserlys medan det flaug over Søfteland.
– Helikopterpiloten måtte returnera til basen og blei sendt til sjukehus for kontroll.
– Dette er noko både vi og forsvaret ser særs alvorleg på, seier politioverbetjent Audun Hadler-Olsen.
Lensmannskontoret har igangsatt etterforsking.
– Vi har informasjon og observasjonar som gjer at vi kan zooma oss inn til området kor laserlyset kom frå, seier politioverbetjenten.