Amalie skaut finale mot kongar og prinsar
Ein god dag for unge Amalie Evensen.
Amalie Evensen gjekk rett i tet då ho og 24 andre skyttarar, i sjuande av tolv grupper, skaut innleiande 25 skot.
246 heldt til finaleplass også etter at alle dei andre hadde skote, og finalen starta klokka 19.45.
Den blei sendt direkte på DFS og i opptak på NRK frå kl 22 i kveld.
Amalie fekk ein litt skeiv start då klokka starta utan at ho fekk med seg eld-kommandoen.
Men ho kom seg i posisjon og starta med nokre tiarar, men fekk også ein niar og ein åttar (8,8).
Dermed blei det 97 i finalen og 343 totalt.
Det heldt ikkje til topp 10, men ho er likevel nøgd med å ha tatt seg til finale, og lagt blant kongar, prinsar og prinsesser og skote.
– Dette var veldig kjekt! seier Amalie til Midtsiden mens NRK si sending går.
Sjølv om ho har skote betre før, er det noko eige å vera blant dei 12 beste på eit meistermøte, å ligga på det som på eit vanleg LS ville vore Kongelaget, å skyta.
– Dette er nok det beste eg har prestert etter juniorbronsen i 2019. Det var ei fin oppleving, og eg gler meg til neste stemne! No er målet å bli skyttardronning, seier Evensen.
Hans Kristian Wear vann med 350, dei to neste på resultatlista skaut 347.
