Aggressive innsamlarar

Politiet fekk tysdag melding om to damer som gjekk på dørene og skulle samla inn penger til handicapa born.

– Dei hevda dei samla inn pengar til blinde og døve.

– Då meldar ikkje var interessert i å hjelpa skal dei ha blitt aggressive, fortel politioverbetjent Terje Sperrevik.

Såg etter dei

Politiet rykte ut for å ta ein prat med damene, men lukkast ikkje å finna dei att.

– Dei skal ha hatt tilknytning til ein bronsegul Opel Astra, men vi fann ikkje korkje dei eller bilen.

– Det er ikkje ulovleg å tigga eller driva veldedig arbeid, men blir dei ampre og aggressive er det ikkje greitt lenger.