Action på Osmessa
Bogeskyting med vikingar er ein populær aktivitet under Osmessa, som opna laurdag. I dag kjem Vennebyen til Nore Neset.
Bildeserie:
Laurdag starta med regn og det var surt vêr då dei siste utstillarane gjorde seg klare til opning av messa.
Men så letta det, til ekstra stor glede for både dei som skulle delta i Liafjellet Opp og dei som har utstilling utandørs under Osmessa.
I tillegg til salsutstillingar er det aktivitetar som skyting med laser, bogeskyting, klatring, skating og rutsjebane inne og ute.
I dag kjem truleg også gjengen frå Vennebyen til å trekka godt med småbarnsforeldre til Nore Neset.
– Det var ein kjempesuksess sist vi fekk besøk av Vennebyen, i 2011, og vi gler oss veldig til dei kjem tilbake, seier Kathrine Haugland frå Osmessa.
Førre gong var Vennebyen og publikum samla i konferansesalen "Torvhola", i år er det auka kapasitet i Vennebyen-treff i gymsalen.
– Vennebyen kjem til å vera representert meir eller mindre heile dagen, men det er verdt å merka seg klokkesletta 11.00 og 15.00, for då blir det møte med Apa, Elfie og Ted, seier Kathrine.