40 elevar til by'n for å dansa
Osingar blei ein del av Dansens Dager i Bergen. – Det blir ikkje lenge til neste gong vi deltar, seier Patricia Langeland.
Bildeserie:
Frå onsdag til laurdag blei Dansens Dager arrangert i Bergen.
Bergen Dansesenter inviterte fleire hundre amatørar og profesjonelle dansarar til å visa seg i fire dagar, og laurdag blei det dansa både på jernbanestasjonen, Festplassen, Bergen storsenter, Bergen offentlige bibliotek, Fløyen, DADA hårstudio og Cornerteateret.
Blant dansegruppene som deltok var rundt 40 elevar frå Os kulturskule.
– Vi har 180 elevar innan dans. Denne gong var det dansarar frå fire ulike grupper som deltok, neste gong blir det gjerne nokre andre grupper som blir med, seier danselærar Patrcia Langeland.
Lenge sidan sist
Patricia hadde også med seg tidlegare elev, no kollega, Julia Agate Erstad Bergesen.
– Vi har vore med to gongar før, men no er det lenge sidan. Eg trur faktisk Julia var elev ho meg sist vi deltok.
Danselæraren synest elevane som deltok, som er frå 12 til 19 år, gjorde veldig god figur.
– Vi hadde det også veldig kjekt! Det blei cirka 11 minutt med dans både på jernbanestasjonen og på Torgalmenningen.
Dansens Dager har vore feira sidan 1999. Dansekunstnar Jens Jeffry Trinidad var ambassadør for Dansens Dager 2015.
Os kulturskule driv no hektisk øving til danseframsyninga Verbo, som går i Oseana 18. juni.