2019: Fridagar og jubilantar i det nye året

Tysdag kveld starta vi året med eit sprakande fyrverkeri i Os hamn.

Onsdag og torsdag startar kvardagen for arbeidstakarar og elevar i kommunen, men vi har fleire fridagar og festar igjen.

17. mai på ein fredag

Før vi går inn på jubilantane, her er dei første skuleferiane i fridagane i 2019:
(Enkelte fridagar kan variera frå skule til skule, sjekk din skule for rett dag)

Vinterferie: Måndag 25. februar til fredag 1. mars (veke 9). Ferieope SFO.
Påskeferie: Måndag 15. april til måndag 22. april. SFO stengt.

I mai er det som vanleg mange fridagar. Pinse er i juni.
Onsdag 1. mai: Arbeidaranes dag.
Fredag 17. mai: Grunnlovsdag.
Torsdag 30. mai: Kristi himmelfartsdag.
Fredag 31. mai: Elevfri dag. SFO stengt.
Måndag 10. juni: 2. pinsedag.
Torsdag 20. juni: Siste skuledag før sommarferien. Ferieope SFO: Måndag 24. - fredag 28. juni.

Kongshaug fyller 50 år - Os Fotball fyller 100

I 2018 var det 50 år sidan Os Jakt og Fiskelag, A K Dranges Båtservice & Co ANS og Nore Neset Skulekorps blei stifta.

I år er det andre jubilantar.

Med atterhald om at selskapa eller laga har eigne datoar å gå etter, her er nokre av dei som ifølgje offisielle datoar for stifting kan feira jubileum i år.

100 år
Hagavik Indremisjonsforening (19. oktober 1919)
Lysefjorden Ungdomslag (2. mars 1919)
Søfteland Turn og Idrettslag

100 år med fotball: Os Turnforening blei stifta i 1905, men ifølgje jubileumsboka til Os Turn frå 2005 var det først i 1919 at osingane var i gang med fotball. Første epoke for Os Idrettslag og Fotballklubb var frå 1919 til 1924. Første kamp vann Os 6-1 over Fana. Etter 6 år nede starta nokre gutar opp igjen som Os Fotballklubb i 1930, frå 1934 var fotballen tilslutta Os Turn.

Det er fleire organisasjonar og verksemder som feirar runde dagar i år. Ein av dei er Søfteland Musikklag, som fyller 70 år.

75-årsjubileum fann vi ingen av, men eit par som fyller 50:

50 år
Kongshaug Musikkgymnas (1. februar 1969)
Lions Club Os (står «bokført» som 1. januar, men skal ifølgje Terje Hatvik vera stifta 16. april 1969)

25 år
Bjørnefjorden Golfklubb
Det Midthordlandske Dampskibsselskab AS
Fyllingen Gulv AS
Helen & Partners AS
J Garvik AS
Kid Interiør AS 17 avd Os
Lysekoret
Malermester Espelid AS
Os Hud og Hår AS
Os Håndbak Klubb
Rørdykk AS
Sport Norge Laguneparken AS
Stiftelsen Erik Schau-larsens Minnefond
Trond Hope AS

Nasjonalt og internasjonalt er det òg nokre hendingar å merka seg.

I 2019 er det 100 år sidan ...
• Romania annekterte Transylvania
• Afghanistan fekk sjølvstende frå Storbritania
• Åttetimarsdagen blei lovfesta (Noreg)
• Brennevinsforbodet fekk fleirtal i Stortinget
• Theodore Roosevelt døydde

... og 50 år sidan
• Yasir Arafat blei leiar av PLO
• Thor Heyerdahl sin Ra I-ekspedisjon la ut frå Marokko
• Neil Armstrong og Buzz Aldrin landar på Månen
• Lova om ni-årig obligatorisk grunnskule vart vedteken i Odelstinget.
• Oljeselskapet Phillips Petroleum Company gjer kjent det aller fyrste oljefunnet i den norske delen av Nordsjøen

Desse kjendisane fyller 50 år i år:
Michael Schumacher (3. januar)
Siv Jensen (1. juni)
Sissel Kyrkjebø (24. juni)
Atle Antonsen (11. august)
Trine Skei Grande (2. oktober)
Anniken Huitfeldt (29. november)

Kjelder: Purehelp, Wikipedia og oskommune.no (skuleruta)