2. plass til Odland
Øyvind Odland (15) var nest beste i klassen 16 til 17 år og nest beste osing i Fløyen Opp. Sjølv er han ikkje nøgd med eiga tid.
Fleire osingar gjorde det bra i motbakkeløpet Fløyen Opp laurdag.
Fløyen Opp går frå Vågsallmenningen til Fløyen, er 3,2 kilometer og har ei høgdeforskjell på 320 meter.
Thorbjørn Ludvigsen vann herreklassen med tida 14.04, som er eitt sekund betre enn den gamle løyperekorden.
Kirsten Marathon Melkevik vann kvinneklassen, men 16.35 var 40 sekund svakare enn rekorden ho sjølv sette i 2011.
Fann ikkje formen
Geir Storetvedt Skaten frå Opptur Motbakkeklubb var raskaste deltakar frå Os.
Øyvind Odland, som også er medlem av Opptur, men deltok for Nore Neset idrettslag, var nest raskast.
– Eg har trent endå betre denne vinteren enn førre, men klarte ikkje å slå tida mi i fjor. Dagsformen var truleg ikkje heilt god.
Øyvind, som fyller 16 år i mai, kom på 2. plass i klassen 16 til 17 år med tida 16:56. I fjor brukte han 16:47 på same distanse.
– Seinare i mai blir det truleg deltaking i Ulriken Opp, men det er motbakkeløpa i haust er siktar meg inn på, Liafjellet Opp, Stoltzen og Skåla Opp.
Fleire raske osingar
Opptur Motbakkeklubb var godt representert og fekk fleire gode tider. I klassen 40-44 år tok klubben 2., 3. og 5. plass.
Anne Marit Skjeie frå Sprek og Blid Os vann sin klasse. (Står som 2. plass på resultatlistene, men med ein mann frå Lysekloster framfor seg i kvinneklassen).
Her tidene og klassevis plassering til fleire deltakarar frå Os:
Geir Storetvedt Skaten 16:28 (2. plass i klassen 35-39 år, Opptur)
Øyvind Odland 16:56 (2. plass i klassen16-17 år, Nore Neset)
Klas Færøvik 17:07 (2. plass i klassen 40-44 år, Opptur)
Trond Inge Nilsen 17:50 (3. plass i klassen 40-44 år, Opptur)
Thomas Ølness 18:32 (28. plass i klassen 23-34 år, Søfteland)
Kjetil Styrvoll 18:37 (5. plass i klassen 40-44 år, Opptur)
Arne Bjørndal 18:49 (Klasse 50-54 år, Lysekloster)
Anne Marit Skjeie 21:02 (1. plass i klassen 50-54 år, Sprek og Blid Os)
Tone Herland 29:44 (3. plass i klassen 50-54 år, Sprek og Blid Os)
Sjå detaljerte resultatlister på floyenopp.no.