17. mai: Program og oversikt

I kommunesenteret Osøyro blir det, tradisjonen tru, fine tonar frå Os Musikkforening frå klokka 08, festgudsteneste, markering i Minneparken og prosesjon frå Giskavollen.

Så følgjer festprogram på Kyrkjeflaten, for første gong på fem år, og til slutt 17. mai-jazz på terrassen til Oseana.

I tillegg er det som vanleg rikt med små og store arrangement rundt om i kommunen vår.

For program i krinsar, bygder og på skular, kjem det eiga sak.

Program for Osøyro

• Klokka 08.00: Os Musikkforening spelar i Finnebrekka
• Klokka 10.00: Festgudsteneste i Os kyrkje
• Klokka 11.00: Markering i Minneparken
  - Apell ved leiar i Bjørnafjorden ungdomsråd, Mathilde Nonås.
  - Song ved Os mannskor.
  - Kransenedlegging.
• Klokka 11.30: 17. mai-toget går frå Giskavollen
• Klokka 12.30 til 13.00: Kyrkjeflaten
  - Helsing frå ordførar Terje Søviknes (FrP)
  - Song og ord for dagen frå elevar ved Borgafjellet barneskule
  - Tale ved russepresident ved Os vidaregåande skule, Magdalena Bezucha
• Klokka 17.00: Konsert på Oseana kunst- og kultursenter, Osøren Jazzensemble med Marita Moe Sandven.

Her går 17. mai-toget

Stengde vegar

I morgon blir fylkesveg 583 Byvegen og fylkesveg 552 Hatvikvegen stengde for gjennomkøyring i sentrum i tidsrommet frå klokka 11.20 til 12.40.

Sentrumsgatene er stengde i tidsrommet 10 til 13.

I tidsrommet klokka 11.20 til 12.40 stenger:

• Fv 583, Byvegen ved avkøyring Os barneskule
• Mobergsbakken ved Esso
• Fv 552, Hatvikvegen ved avkøyring til Haugsneset

I tidsrommet 10 til 13 stenger sentrumsgatene:

• Øyro
• Landboden
• Brugata

Kommunen oppmodar om å følga skilting og merking. Parkeringa framfor rådhuset er reservert i same tidsperiode (til russebilane), og det er derfor ikkje mogleg å parkera der.