UP: – Vi kjem tilbake

Utrykningspolitiet sette frå seg den eine av to bilar og rykte ut, saman med Os-politiet, til trafikkulykka i Strøno tysdag.

– Før vi rykte ut hadde vi kontroll i Industrivegen og på E39, i 50-sona forbi anleggsarbeidet mellom Svegatjørn og Ulvenvatnet.

Fekk tre prikkar

I Industrivegen var det ingen som rakk å bli tatt for fart, men her blei tre bilførarar tatt utan belte eller med mobil før kontrollen blei avbroten.

På E39 blei 6-7 bilførarar målt i for høg fart.

– Dei to med høgast fart køyrde i 68 og 67 km/t. Begge får forelegg på 4200 kroner og tre prikkar på førarkortet.

– Fleire av dei som fekk prikkbelastning i går hadde fleire prikkar frå før, og var nær på førarkortbeslag.

Store bilar i høg fart

– Han som køyrde i 67 km/t køyrde lastebil. Det var også andre lastebilar som køyrde for fort, og det reagerer vi på.

– Årsaka til at vi stilte oss langs anleggsområdet er at vi har fått klagar frå dei som jobbar der. Vi fekk stadfesta at mange ikkje tar omsyn, her kjem vi tilbake.